પાટણના વાયડ ગામની સીમમાંથી ગાંજાની ખેતી ઝડપાઈ 70 હજારનો મુદામાલ જપ્ત

સરસ્વતી પોલીસે ગુજરાતને નશામુક્ત બનાવવાના અભિયાન અંતર્ગત મહત્વપૂર્ણ સફળતા મેળવી છે. બાતમીના આધારે પોલીસે વાયડ ગામની સીમમાં દરોડો પાડ્યો હતો. પોલીસે વાયડ ગામના છેલાજી ઉર્ફે ચેલાજી ઉર્ફે દલો ઉર્ફે ભગત ઠાકોરને પકડ્યો છે. 47 વર્ષીય આરોપી ખેતીનો વ્યવસાય કરે છે. તેણે પોતાના કબજાના સર્વે નંબર 734 વાળા ખેતરમાં ગેરકાયદેસર રીતે ગાંજાનું વાવેતર કર્યું હતું. પોલીસે આરોપી પાસેથી બે ફૂટથી દસ ફૂટની ઊંચાઈના 32 ગાંજાના છોડ જપ્ત કર્યા છે. જપ્ત કરાયેલા ગાંજાનું કુલ વજન 7 કિલોગ્રામ છે, જેની કિંમત રૂપિયા 70,000 આંકવામાં આવી છે. આરોપી વિરુદ્ધ NDPS એક્ટની કલમ 4(b), 4(c), 20(a)(i), 20(b)(ii)(b), 22(b) હેઠળ ગુનો નોંધી કાયદેસરની કાર્યવાહી શરૂ કરવામાં આવી છે. પોલીસ વધુ તપાસ કરી રહી છે.