​ડીસામાં રિસાલા બજાર નજીક જુગાર રમતા પાંચ લોકોની ધરપકડ

​બનાસકાંઠા પોલીસ અધિક્ષક અક્ષયરાજ મકવાણાના કડક આદેશ બાદ ડીસા શહેર દક્ષિણ પોલીસે જુગારની પ્રવૃત્તિઓ પર લગામ કસવા માટે એક મોટી કાર્યવાહી કરી છે. ડીસા રીસાલા બજારમાં બની રહેલા નવા કોમ્પ્લેક્સમાં ચાલતા જુગારના અડ્ડા પર દરોડો પાડીને પોલીસે પાંચ ઈસમોને ઝડપી પાડ્યા છે. પોલીસને ગુપ્ત બાતમી મળી હતી કે રીસાલા બજારના કોમ્પ્લેક્સના પહેલા માળે કેટલાક લોકો તીન પત્તીનો જુગાર રમી રહ્યા છે. આ માહિતીના આધારે, નાયબ પોલીસ અધિક્ષક સી.એલ. સોલંકી અને પોલીસ ઈન્સપેક્ટર વી.એમ. ચૌધરીના માર્ગદર્શન હેઠળ પોલીસે દરોડો પાડ્યો હતો. પોલીસે ઘટનાસ્થળેથી રૂ. ૧૦,૪૫૦/- રોકડા અને ગંજીપાના કબજે કર્યા હતા. પોલીસે જુગાર રમતા (૧) રૂડાભાઈ શીવાભાઈ માળી, (૨) નાનજીભાઈ હેમરાજભાઈ માળી, (૩) પ્રકાશભાઈ હરજીભાઈ માળી, (૪) રોહીતભાઈ ભુદરભાઈ માળી અને (૫) જયંતીભાઈ મફતલાલ શ્રીમાળી નામના પાંચ વ્યક્તિઓની ધરપકડ કરી કાયદેસરની કાર્યવાહી હાથ ધરી છે. આ તમામ આરોપીઓ મજૂરીકામ કરતા હોવાનું જાણવા મળ્યું છે.