મુડેઠાથી ઉંબરી સુધી રસ્તા પર વરસાદના કારણે રોડ પર ઠેરઠેર મસ્ત મોટા ખાડા પડ્યા

ડીસા તાલુકાના મુડેઠાથી ઉંબરી સુધી રોડ પર ઠેરઠેર વરસાદના કારણે રસ્તા પર ખાડારાજનું સામ્રાજ્ય જોવા મળી રહ્યું છે. ખાડાના કારણે રસ્તાની હાલત બગડી ગઈ છે. ખાડા એટલા મોટા પડ્યા છે કે રાત્રે ખાડા જોયા વગર નીકળો તો કેડના મણકા નું ઓપરેશન કરાવવું પડે અને અકસ્માત સર્જાય તેવી રોડની હાલત થઈ છે. જેમાં મુડેઠા થી ઉંબરી સુધી માર્ગ પર ઠેરઠેર ખાડા પડતાં વાહનચાલકો અને રાહદારીઓ મુશ્કેલીમાં મુકાયા છે. મુડેઠા થી અરણીવાડા અને ઉબરી થઈ પાટણ ને જોડતો મુખ્ય માર્ગ આવેલો છે. પણ વાહનચાલકોને મજબૂરી ના કારણે ખાડામાંથી ડિસ્કો ડાન્સ કરતા પ્રસાર થવું પડે છે. આ રસ્તે મુડેઠા થી ઉંબરી પહોંચતા 40 મિનિટ થી વધુનો સમય લાગે છે. જો કે ઈમરજન્સી સમયમાં વાહનચાલકોને ટોલ ટેક્સ પર ટેક્ષ ચુકવીને 12 થી વધુ કિલોમીટર વધુ લાંબુ થઈ ને શિહોરી થઈ પાટણ તરફ જવા મજબૂર બનવું પડે છે. પરંતુ સામાન્ય વરસાદમાં જ રોડની હાલત બિસ્માર બનતાં વાહનચાલકો મુશ્કેલીમા મુકાયા છે. તાત્કાલિક ખાડા પુરવામાં આવે તેવી માંગ ઉઠવા પામી છે.