જિલ્લા એલસીબીએ ધાનેરા વિસ્તારમાંથી વિદેશી દારૂ ઝડપ્યો

ધાનેરા નજીક સ્વીફ્ટ કારમાંથી વિદેશી દારૂ ઝડપાયો, કુલ રૂ. ૪.૨૧ લાખનો મુદામાલ કબજે બનાસકાંઠા જિલ્લાના ધાનેરા વિસ્તારમાંથી સ્થાનિક ક્રાઇમ બ્રાન્ચ (એલસીબી), પાલનપુરની ટીમે મોટી કાર્યવાહી કરતાં એક સ્વિફ્ટ કારમાંથી વિદેશી દારૂનો જથ્થો ઝડપી પાડ્યો છે. ફતેપુરા ગામની સીમમાંથી GJ-06-FQ-1622 નંબરની સ્વીફ્ટ કારને અટકાવી તપાસ કરતાં તેની અંદરથી કુલ ૧૦૨૫ બોટલ ભારતીય બનાવટના વિદેશી દારૂ મળ્યા હતા. જેની બજાર કિંમત અંદાજે રૂ. ૧,૨૧,૩૪૯/- થાય છે. સાથે જ ધરપકડ કરાયેલ કારની કિંમત રૂ. ૩,૦૦,૦૦૦/- ગણાતી હોવાથી કુલ મુદામાલ રૂ. ૪,૨૧,૩૪૯/- થયો છે. આ કેસમાં પનાજી વકતાજી કુકણા (રહે. સિયા, તા. ધાનેરા) નામના આરોપીએ પોતાના કબજાની કારમાં વિદેશી દારૂ ગેરકાયદેસર રીતે રાખ્યો હોવાનું સામે આવ્યું છે. જેના વિરુદ્ધ ધાનેરા પોલીસ સ્ટેશનમાં કાયદેસરની કાર્યવાહી શરૂ કરવામાં આવી છે.