ધાનેરા; એલસીબી પોલીસે વિદેશી દારૂ સાથે એક આરોપીની અટકાયત કરી

દારૂ અને જુગાર જેવી ગેરકાયદેસર પ્રવૃત્તિઓ પર અંકુશ લાવવા માટે પોલીસ વિભાગ દ્વારા સઘન ઝુંબેશ ચલાવવામાં આવી રહી છે. આ ઝુંબેશના ભાગરૂપે, બનાસકાંઠા પોલીસ અધિક્ષક પ્રશાંત સુંબેની સૂચના મુજબ, પાલનપુર લોકલ ક્રાઇમ બ્રાન્ચ દ્વારા ધાનેરા તાલુકાના કુવારલા ગામમાં દરોડો પાડવામાં આવ્યા હતા. ગુપ્ત માહિતીના આધારે, LCB ટીમે કુવારલા ગામના નટવરભાઈ કરમશીભાઈ કોળી ઠાકોરના ખેતરમાંથી ભારતીય બનાવટના વિદેશી દારૂ અને બિયરનો મોટો જથ્થો ઝડપી પાડ્યો છે. પોલીસને દારૂ અને બિયરની કુલ ૬૭૯ બોટલો મળી આવી છે, જેની બજાર કિંમત અંદાજે ₹૭૯,૨૦૬/- છે. આ દરોડા દરમિયાન આરોપી નટવરભાઈ કરમશીભાઈ કોળી ઠાકોર સામે ધાનેરા પોલીસ સ્ટેશનમાં કાયદેસરની કાર્યવાહી હાથ ધરવામાં આવી છે.