સમી–રાધનપુર હાઇવે પર બોલેરો ગાડીનું ટાયર ફાટયુ : ચાલકનો આબાદ બચાવ

સમી–રાધનપુર હાઇવે પરથી પુરપાટ પસાર થઇ રહેલ પીકઅપ બોલેરો ગાડીનું ટાયર ફાટતાં ગાડીનો કચચર ધાણ વળી જવા પામ્યો હતો. જોકે આ ગંભીર અકસ્માત ચાલકનો આબાદ બચાવ થતાં સૌ આશ્ચયૅ ચકિત થયા હતા. બપોરના સમયે સમી - રાધનપુર હાઈવે માગૅ પરના વાવલ નજીક રાધનપુરથી મહેસાણા તરફ જઈ રહેલ પીકઅપ બોલેરો ગાડીનું અચાનક ટાયર બ્લાસ્ટ થતાં વાહન ચાલકે સ્ટિયરિંગ પરથી કાબૂ ગુમાવ્યો હતો. અને પીકઅપ બોલેરો ગાડી રોડની સાઇડમાં પલ્ટીઓ મારીને ઊંધી વળી જતા ગાડીનો કચ્ચરઘાણ નીકળી ગયો હોવા છતાં ચાલકનો આબાદ બચાવ થતાં આ અકસ્માતને નજરે જોનારા લોકો આશ્ચર્યચકિત થયા હતા. અને અકસ્માતમાં જાનહાનિ ટળી જતા મોટી દુર્ઘટના ટળી હોવાનું જણાવ્યું હતું. ઘટનાને પગલે હાઇવે પર થોડો સમય અફરાતફરીનો માહોલ સર્જાયો હતો.