રખેવાળ
બ્રેકિંગ
ગુજરાતમાં યુસીસી બિલ બહુમતીથી પસાર થયુંઈરાન સાથે યુદ્ધ ઉશ્કેર્યા પછી ટ્રમ્પની લોકપ્રિયતામાં ઘટાડો થયોડિફેન્સ સેક્ટરમાં ભારતની મોટી ઉડાન કૌશાંબીમાં ભયાનક માર્ગ અકસ્માતડીસા ફટાકડા બ્લાસ્ટ કાંડ: એક વર્ષના વહાણા વાયા, પણ ૨૨ પરિવારોના આંસુ હજુ સુકાયા નથીગુજરાત મનપા અને નગરપાલિકા અને પંચાયતની ચૂંટણીઓની જાહેરાત આજે સાંજે 5 વાગ્યે ચૂંટણી પંચની પ્રેસ કોન્ફરન્સઈરાન યુદ્ધ લાઈવ: કુવૈત એરપોર્ટ પર ઈરાની ડ્રોન હુમલો, ઈંધણ ટાંકીમાં આગ લાગીગુજરાતમાં યુસીસી બિલ બહુમતીથી પસાર થયુંઈરાન સાથે યુદ્ધ ઉશ્કેર્યા પછી ટ્રમ્પની લોકપ્રિયતામાં ઘટાડો થયોડિફેન્સ સેક્ટરમાં ભારતની મોટી ઉડાન કૌશાંબીમાં ભયાનક માર્ગ અકસ્માતડીસા ફટાકડા બ્લાસ્ટ કાંડ: એક વર્ષના વહાણા વાયા, પણ ૨૨ પરિવારોના આંસુ હજુ સુકાયા નથીગુજરાત મનપા અને નગરપાલિકા અને પંચાયતની ચૂંટણીઓની જાહેરાત આજે સાંજે 5 વાગ્યે ચૂંટણી પંચની પ્રેસ કોન્ફરન્સઈરાન યુદ્ધ લાઈવ: કુવૈત એરપોર્ટ પર ઈરાની ડ્રોન હુમલો, ઈંધણ ટાંકીમાં આગ લાગી
પાટણ14 ઑક્ટોબર, 2025| Super Admin

પાટણ સિનિયર સિટીઝનને ડિજિટલ એરેસ્ટ કરી રૂ.૪૪ લાખ ખંખેરનારા ઠગના જામીન કોર્ટ ફગાવ્યા

પાટણ સિનિયર સિટીઝનને ડિજિટલ એરેસ્ટ કરી રૂ.૪૪ લાખ ખંખેરનારા ઠગના જામીન કોર્ટ ફગાવ્યા

પાટણમાં એક નિવૃત્ત શિક્ષક સિનિયર સિટીઝનને ૨૨ દિવસ સુધી ડિજિટલ એરેસ્ટમાં રાખીને રૂ. ૪૪ લાખની રકમ ટ્રાન્સફર કરાવી ધમકીઓ આપવાના કેસમાં દેવીલાલ શંકરલાલ બિશ્નોઈ રહે.બિકાનેરની જામીન અરજી પાટણ ચીફ જ્યુડિશિયલ મેજિસ્ટ્રેટ એન.વી. પઠાણે ના મંજૂર કરી આરોપીને જેલ હવાલે કરાયો હોવાનું જાણવા મળ્યું છે. આરોપીને રાજસ્થાનની જયપુર સેન્ટ્રલ જેલમાંથી ટ્રાન્સફર વોરંટના આધારે પાટણની સાયબર ક્રાઈમ પોલીસે પાટણ લાવી કોર્ટમાં રજૂ કર્યો હતો. રિમાન્ડ પૂર્ણ થયા બાદ તેણે જામીન અરજી કરી હતી,જેનો સરકારી વકીલ આર.પી. ઓઝાએ સખત વિરોધ કર્યો હતો.સરકારી વકીલે કોર્ટમાં રજૂઆત કરી હતી કે, હાલમાં આ પ્રકારના ગંભીર ગુનાઓ વધી રહ્યા છે,જેનાથી સમાજને મોટું આર્થિક નુકસાન થઈ રહ્યું છે. આવા આર્થિક ગુનાના આરોપીને સરળતાથી જામીન પર મુક્ત કરવાથી સમાજ પર વિપરીત અસર પડી શકે છે તેથી આરોપીને જામીન ન આપવા જોઈએ. પાટણ પોલીસે આરોપીને ટ્રાન્સફર વોરંટના આધારે જયપુરથી અટક કર્યો હતો, જે તેની પ્રથમદર્શીય સંડોવણી દર્શાવે છે. આ કેસની તપાસ હજુ ચાલુ છે.નોંધનીય છે કે, જયપુરની સ્ટેટ સાયબર ક્રાઈમ પોલીસે આરોપી દેવીલાલની અન્ય કોઈ ગુનામાં ધરપકડ કરી હતી. તે જયપુરની સેન્ટ્રલ જેલમાં બંધ હતો અને તેને  તા. ૪ ઓક્ટોબર ૨૦૨૫ ના રોજ જયપુરથી પાટણ લાવવામાં આવ્યો હતો. જયપુર પોલીસે તેની અટકાયત કરતાં તેની પાસેથી આ ગુનામાં ફ્રોડના પૈસા ટ્રાન્સફર થયેલા એક્સિસ બેંકના એકાઉન્ટની ચેકબુક મળી આવી હતી.    

સંબંધિત સમાચાર