ડીસામાં આગ કાંડની ઘટના બાદ ધાનેરા પાલિકા હરકતમાં, વધુ ચાર દુકાનો સીલ કરી

ડીસામાં તાજેતરમાં થયેલા આગ કાંડની ઘટના બાદ ધાનેરા નગર પાલિકા તંત્ર હરકતમાં આવ્યું છે. પાલિકાની ટીમે પોલીસ સાથે સંયુક્ત ઓપરેશન હાથ ધરીને ફટાકડા વેચતી ત્રણ દુકાનો અને એક ભંગારના ગોડાઉનને સીલ કરી દીધું છે. જોકે, ગઈકાલે પણ પાલિકાએ ભંગારના નવ જેટલા ગોડાઉનને સીલ કર્યા હતા. આ મામલે પાલિકા પ્રમુખે જણાવ્યું હતું કે, શહેરની સુરક્ષા અને લોકોની સલામતીને ધ્યાનમાં રાખીને આ કાર્યવાહી કરવામાં આવી રહી છે. તેમણે ઉમેર્યું હતું કે, આગામી દિવસોમાં પણ આવી ગેરકાયદેસર પ્રવૃત્તિઓ સામે કડક પગલાં લેવામાં આવશે. આ કાર્યવાહી દરમિયાન કોઈ અનિચ્છનીય બનાવ ન બને તે માટે પાલિકાની ટીમ સાથે પોલીસ પણ હાજર રહી હતી.