નકલી ઘી તેલ બાદ હવે નકલી ટુથ પેસ્ટ; જુનાડીસા ખાતે થી ક્લોઝ-અપ ટૂથપેસ્ટનો નકલી જથ્થો ઝડપાયો

કરિયાણાની દુકાનોમાં હિન્દુસ્તાન યુનિલિવરની તપાસ; વેપારીઓને નોટિસો આપી કાર્યવાહી, ડીસા-પાટણ હાઈવે પર આવેલા જૂના ડીસામાં હિન્દુસ્તાન યુનિલિવર લિમિટેડની નકલી પ્રોડક્ટ્સ વેચાણ થતી હોવાની માહિતી મળી હતી. આ માહિતીના આધારે કંપનીએ ડીસા તાલુકા પોલીસ સાથે મળીને તપાસ હાથ ધરી હતી. તપાસ દરમિયાનકરિયાણાનીતપાસ દરમિયાન કરિયાણાની દુકાનોમાથી હિન્દુસ્તાન યુનિલિવરની ક્લોઝ-અપટૂથપેસ્ટ અને અન્ય કોસ્મેટિક ચીજવસ્તુઓનો નકલી જથ્થો મળી આવ્યો હતો. દુકાનદારોની પૂછપરછમાં જાણવા મળ્યું કે, આ નકલી માલ નેપાળ પ્રાઇવેટ લિમિટેડ નામની કંપની દ્વારા પૂરો પાડવામાં આવતો હતો.પોલીસે તાત્કાલિક કાર્યવાહી કરીને નકલી જથ્થો જપ્ત કર્યો છે. હિન્દુસ્તાન યુનિલિવર કંપની દ્વારા હાલ વેપારીઓને નોટિસો આપી છે તેમજ નકલી માલના સપ્લાયર્સ સામે વધુ કાર્યવાહી કરવામાં આવનાર છે.