બાદરપુરા ડ્યુક કંપનીમાં આગ લાગી હોવાનો મેસેજ વાયરલ થતાં તંત્રમાં દોડધામ

છેવટે મોકડ્રીલ હોવાનું માલુમ પડતાં તંત્રને હાશકારો; પાલનપુર તાલુકાના બાદરપુરાની એક કંપનીમાં આગ લાગી હોવાનો મેસેજ મળતા ફાયર, પોલીસ સહિત બચાવ કાર્ય કરતી ટીમોમાં દોડધામ મચી જવા પામી હતી. જોકે અહી આગના બનાવમા પરિસ્થિતિ પર કાબુ મેળવવા માટે મોકડ્રીલ હોવાનું માલુમ પડતાં તમામે હાશકારો અનુભવ્યો હતો. બાદરપૂરા ખાતે આવેલ ડ્યુક કંપનીમાં આઇઆરએમના સંયુક્ત ઉપક્રમે આગના બનાવમાં બચાવ અને રાહત કાર્યની સાથે પરિસ્થિતિ પર કાબુ કેવી રીતે મેળવી શકાય? તે માટે જાગૃતિ લાવવા માટે મોકડ્રીલ યોજવામાં આવી હતી.ગેસની પાઇપમાં આગ લાગી હોવાનો મેસેજ કરવામાં આવતા તેમજ ઈમરજન્સી સાયરન વગાડવામાં આવતા કંપનીમાં અફરા તફરી મચી જવા પામી હતી. બનાવના પગલે ગેસ કંપનીની ટીમો તાબડતોડ દોડી આવી હતી અને ગેસ લીકેજથી લાગેલી આગ પર કાબુ મેળવ્યો હતો. આ પ્રસંગે સેફ્ટી ઓફિસરે ગેસ લીકેજ થાય ત્યારે આગ પર કાબૂ કેવી રીતે મેળવવો તે અંગે કર્મચારીઓને માહિતગાર કરવામાં આવ્યા હતા.