હારીજ-પાટણ હાઈવે પર અકસ્માત સજૉયો

હારીજ-પાટણ હાઈવે પર કુણઘેર ગામ પાસે શુક્રવારે એક માર્ગ અકસ્માત સર્જાયો હતો. આ અકસ્માતમાં ઘાયલ થયેલી વ્યક્તિને GRD સભ્યો અને પોલીસ કર્મચારીઓએ તાત્કાલિક મદદ પૂરી પાડી પોલીસ વાન દ્વારા સારવાર માટે હોસ્પિટલ ખસેડવામાં આવ્યા હતા. એમ્બ્યુલન્સની રાહ જોયા વગર પોલીસ વાનનો ઉપયોગ કરીને દર્દીને સમયસર હોસ્પિટલ પહોંચાડવાની આ કામગીરીની સ્થાનિકો દ્વારા પ્રશંસા કરવામાં આવી હતી. પોલીસ અને GRD જવાનોના સંકલનથી ઘાયલ વ્યક્તિને 'ગોલ્ડન અવર'માં સારવાર મળી રહેતા પોલીસની માનવતાવાદી કામગીરી લોકોમાં સરાહનીય બની હતી.