પાટણ જિલ્લામાં ડિગ્રી વગર તબીબી પ્રેક્ટિસ કરી લોકોના આરોગ્ય સાથે ચેડાં કરતા તત્વો સામે એસઓજી પોલીસે કડક કાર્યવાહી હાથ ધરી છે .પાટણ એસઓજીની ટીમને મળેલી ખાનગી બાતમીના આધારે પાટણના અડીયા ગામે દરોડા પાડવામાં આવ્યા હતા. આ કાર્યવાહી દરમિયાન ગામમાં ગેરકાયદેસર રીતે ક્લિનિક ચલાવતા હર્ષિલ નાયક (રહે.કુણઘેર, તા.જી.પાટણ) નામનો શખ્સ કોઈપણ માન્ય મેડિકલ ડિગ્રી વગર દર્દીઓની સારવાર કરતા રંગેહાથ ઝડપાઈ ગયો હતો.
પોલીસે ઘટના સ્થળેથી એલોપેથિક દવાઓ, ઇન્જેક્શન અને તબીબી સાધનો સહિત કુલ રૂ. 5709 નો મુદ્દામાલ જપ્ત કર્યો છે.મેડિકલ ઓફિસરની હાજરીમાં કાયદેસરની તપાસ હાથ ધરી આરોપી વિરુદ્ધ હારીજ પોલીસ મથકે ગુનો નોંધી કાર્યવાહી હાથ ધરવામાં આવી હોવાનું જાણવા મળ્યું છે.
