દેશભરના ખેડૂતો માટે ખુશીના સમાચાર સામે આવ્યા છે, કારણ કે પ્રધાનમંત્રી કિસાન સન્માન નિધિ યોજનાનો ૨૪મો હપ્તો ખેડૂતોના ખાતામાં સફળતાપૂર્વક જમા થઈ ગયો છે. આ પ્રસંગને ઉત્સવ તરીકે ઉજવવા માટે બનાસકાંઠા જિલ્લાના થરાદ એપીએમસી (APMC) ખાતે ભવ્ય 'પીએમ કિસાન ઉત્સવ દિવસ'ની ઉજવણી કરવામાં આવી હતી.
આ કાર્યક્રમમાં મોટી સંખ્યામાં સ્થાનિક ખેડૂતો ઉપસ્થિત રહ્યા હતા. ખેડૂતોના ખાતામાં સહાયની રકમ પહોંચતા તેમના ચહેરા પર ખુશી જોવા મળી હતી. આ યોજના થકી અન્નદાતાઓની આર્થિક સ્થિતિ વધુ મજબૂત બની રહી છે અને સરકાર દ્વારા ખેડૂતોના ઉત્થાન માટે લેવાતા આ પગલાંની ખેડૂતોએ સરરાહ કરી હતી.
