વાવ સુઇગામ રોડ પર બાઈક સ્લીપ મારતા યુવક નું ઘટના સ્થળે મોત

વાવના ચાંદરવા ગામે ભાગીયા તરીકે રહેતા રાજસ્થાન ના બાડમેર જિલ્લાના સેડુવા તાલુકા ના બાવરાલા ગામ ના વતની એવા નારણજી કાળાજી ઠાકોર ઉ.વર્ષ અંદાજીત 28 ગત સોમવાર ના રોજ સુઇગામ રોડ પર આવેલા જેલાણા ગામ થી પોતાના સ્નેહીજન ને મૂકી વાવ તરફ પોતાનું બાઈક લઈ પરત આવી રહ્યા હતા. ત્યારે બાઈક વાવ સુઇગામ રોડ પર વાવ થી 6 કી.મી ના અંતરે બાલાજી હોટલ પાસેરોડ પર સ્લીપ મારી જતાં માથા ના ભાગે ગંભીર ઇજાઓ થતાં તેમનું ઘટના સ્થળે મોત નીપજ્યું હતું. આ બાબત ની જાણ રાહદારી ઓને થતાં 108 ને કરતાં પાયલોટ ઘટના સ્થળે પહોંચી લાશ ને વાવ રેફરલ હોસ્પિટલ ખાતે પી.એમ અર્થે મોકલેલ અને તેમના સ્નેહીજનો ને જાણ કરી મૂર્તકનો કબજો સ્નેહીજનો ને સુપ્રત કરાયો હતો. વાવ પોલીસે અકસ્માતે ગુનો નોંધી આગળની વધુ તપાસ હાથ ધરી છે.