પાલનપુરમાં વરસાદને પગલે રોડ પર પડેલા ખાડા પુરવાની કામગીરી હાથ ધરાઈ

પાલનપુરમાં વરસાદને પગલે રોડ અને હાઇવે પર ઠેર-ઠેર ખાડા પડયા છે. રોડ પર ખાડાઓના સામ્રાજ્યને લઈને વાહનચાલકો હેરાન પરેશાન થઈ રહ્યા છે. ત્યારે તંત્ર દ્વારા બિસ્માર રોડ રસ્તાની મરામત હાથ ધરાઈ હતી. પાલનપુર સહિત જિલ્લાભરમાં વરસાદને પગલે રોડ રસ્તાઓની હાલત બિસ્માર બની ગઈ છે. રાજ્યભરમાં રોડ રસ્તાઓની દુર્દશાને લઈને મુખ્યમંત્રીએ તાકીદે રોડ રસ્તા દુરસ્ત કરવાની સૂચના આપી છે. ત્યારે પાલનપુરમાં પણ તંત્ર દ્વારા રોડ રસ્તાની મરામતની કામગીરી હાથ ધરાઈ છે. જેમાં પાલનપુર એરોમા સર્કલ થી કોજી રોડ ઉપર ખાડા પૂરવાનું શરૂ કરાયું હતું. માર્ગ અને મકાન વિભાગ દ્વારા આ રોડ ઉપર કામગીરી હાથ ધરવામાં આવી હતી. જેમાં ડામર પાથરી રોડ ઉપરના ખાડાઓ પૂરવામાં આવ્યા હતા. જેથી વાહનચાલકોની મુશ્કેલી ઓછી થશે.