પાલનપુરના વોર્ડ નં.6 માં ભરઉનાળે પાણીની પારાયણ

ફરી એકવાર વોર્ડમાં ટેન્કર રાજ : મહિલાઓએ ઠાલવ્યો આક્રોશ; પાલનપુર નગરપાલિકાના વોર્ડ નં.6 માં ભર ઉનાળે પાણીની પારાયણને પગલે 30 વર્ષ અગાઉના કોંગ્રેસ શાસનની યાદ કરવતું ટેન્કર રાજ આવતા સ્થાનિકોએ આક્રોશ ઠાલવ્યો હતો.પાલનપુર નગરપાલિકાના વોર્ડ નં.6 વિસ્તારમાં ભર ઉનાળે પાણીનો પીવાના પાણીનો કકળાટ સામે આવ્યો છે. બે દિવસમાં જૈનોનો મોટો મહોત્સવ હોવા છતાં અંબિકાનગર જૈન દેરાસર વિસ્તારમાં પાણી માટે પ્રજા વલખા મારતી નજરે પડે છે. આજથી 30 વર્ષ અગાઉ કોંગ્રેસના શાસનમાં ટેન્કરો દ્વારા પાણી અપાતું હતું તેવી પરિસ્થિતીનું પુનરાવર્તન થયું હોવાનો ઉભરો ઠાલવતા સ્થાનિક મહિલાઓએ પાલિકાના શાસકો સામે ફિટકારની લાગણી વરસાવી હતી.