108 ટીમે CPR આપી વધુ સારવાર માટે હોસ્પિટલ ખસેડયો
વડુ-ચારુપ નજીકની કેનાલ પર બાઇકનો કાબૂ ગુમાવતા એક વ્યક્તિ કેનાલમાં ખાબક્યો હતા. આ ઘટનામાં નાનજીભાઈ નામના વ્યક્તિને ઈજા થઈ હતી.ચારુપથી વડુ તરફ આવી રહેલા નાનજીભાઈનું બાઇક કેનાલની દીવાલ સાથે અથડાયું હતું. ટક્કરના કારણે તેઓ બાઇક પરથી ફંગોળાઈને કેનાલમાં પડ્યા હતા. સ્થાનિક લોકોએ તાત્કાલિક 108 એમ્બ્યુલન્સને જાણ કરી હતી.108 એમ્બ્યુલન્સનો સ્ટાફ ઘટના સ્થળે પહોંચ્યો હતો. તેમણે નાનજીભાઈને કેનાલમાંથી બહાર કાઢ્યા ત્યારે તેમના શ્વાસ બંધ થઈ ગયા હતા. 108 એમ્બ્યુલન્સમાં જ નાનજીભાઈને કાર્ડિયોપલ્મોનરી રિસસિટેશન (CPR) આપવામાં આવ્યું હતું. પ્રાથમિક સારવાર બાદ તેમને વધુ સારવાર માટે વાગડોદની CHC હોસ્પિટલમાં ખસેડવામાં આવ્યા હતા.
