સાબરકાંઠા જિલ્લાના અંતરિયાળ આદિજાતિ વિસ્તાર ખેડબ્રહ્માના ઊંચી ધનાલ પ્રાથમિક આરોગ્ય કેન્દ્ર ખાતે રક્તદાન કેમ્પમાં 19 યુનિટ રક્ત એકત્રિત થયું. ગ્રામ્ય વિસ્તારમાં રહેતા લોકો હવે રક્તદાનનું સાચું મહત્વ સમજી સ્વયંપ્રેરિત રીતે આગળ આવી રક્તદાન કરી રહ્યા છે.
આ એક સકારાત્મક પરિવર્તનનું પ્રતિક છે. દરેક રક્તદાતા એ માત્ર રક્ત આપ્યું નથી, પરંતુ અજાણી જિંદગીને નવી આશા, નવજીવન અને સ્મિત આપ્યું છે. “રક્તદાન એ મહાદાન” આ સંદેશ આજે અંતરિયાળ વિસ્તારમાંથી ગુંજી રહ્યો છે. માનવતા, સેવા અને સંવેદનાની આ સુંદર પહેલ સમગ્ર સમાજ માટે પ્રેરણાસ્ત્રોત બની રહી છે.
