બનાસકાંઠા જિલ્લાના ડીસા-ધાનેરા હાઈવે પર આવેલા ડીસા તાલુકાના કંસારી ગામ નજીક એક ટ્રેલર ઝાડ સાથે અથડાયું હતું. આ અકસ્માતમાં ટ્રેલર ચાલકનો આબાદ બચાવ થયો હતો, જોકે હાઈવે પર બે કિલોમીટર લાંબો ટ્રાફિક જામ સર્જાયો હતો.
પ્રાથમિક માહિતી મુજબ, ટ્રેલર ચાલકે વાહન પરનો કાબુ ગુમાવ્યો હતો. જેના કારણે ટ્રેલર રોડની બાજુમાં ઉભેલા ઝાડ સાથે જોરદાર રીતે અથડાયું હતું. અકસ્માતને પગલે ઘટનાસ્થળે લોકોના ટોળેટોળા ઉમટી પડ્યા હતા. આ ઘટનાના કારણે હાઈવે પર લગભગ બે કિલોમીટર સુધી વાહનોની લાંબી કતારો લાગી હતી.
