શિક્ષા એ સુરક્ષા, ટેકનોલોજીથી પરિવર્તનના સંદેશ સાથે માર્ગદર્શન આપ્યું
ડીસા શહેર ઉત્તર પોલીસ સ્ટેશનના પી.આઇ. એ. આર. ખત્રીના માર્ગદર્શન હેઠળ પોલીસ કર્મચારીઓ દ્વારા ડીસાના ગાયત્રી મંદિર નજીક ટ્રાફીક જાગૃતિ અભિયાન કાર્યક્રમ યોજાયો હતો. જેમાં અભિયાન દરમિયાન વાહન ચાલકોને ટ્રાફીક નિયમોનું પાલન કરવા અંગે જાગૃત કરવામાં આવ્યા હતા. ડીસા ઉત્તર પોલીસની ટીમે વાહન ચાલકોને ટ્રાફીક સિગ્નલનું પાલન કરવું, દ્વિચક્રી વાહન ચલાવતી વખતે ફરજીયાત હેલ્મેટ પહેરવું, ચાર ચક્રી વાહનમાં સીટ બેલ્ટ બાંધવો, ઓવરસ્પીડથી બચવું અને વાહન ચલાવતી વખતે મોબાઇલ ફોનનો ઉપયોગ ન કરવો જેવી મહત્વપૂર્ણ બાબતો અંગે સમજણ આપી હતી.
આ અંગે ડીસા ઉત્તર પોલીસ મથકના પી.આઇ.એ. આર. ખત્રીએ જણાવ્યું હતું કે, ટ્રાફીક નિયમોનું પાલન કરવાથી માર્ગ અકસ્માતોમાં નોંધપાત્ર ઘટાડો થઇ શકે છે અને પોતાનું તેમજ અન્ય લોકોનું જીવન સુરક્ષિત રાખી શકાય છે. તેમણે નાગરિકોને સુરક્ષિત વાહન વ્યવહાર માટે જરૂરી નિયમો અને સાવચેતીઓ અંગે પણ વિસ્તૃત માર્ગદર્શન આપ્યું હતું. અભિયાનના અંતે તમારી સુરક્ષા, અમારી જવાબદારીના સંદેશ સાથે ડીસા ઉત્તર પોલીસે તમામ નાગરિકોને ટ્રાફીક નિયમોનું કડક પાલન કરવા અને જવાબદાર નાગરિક તરીકે માર્ગ સુરક્ષામાં સહભાગી બનવાની અપિલ કરી હતી.
