ખાખી વર્દીના ખુલ્લેઆમ ધજાગરા ઉડ્યા
ડીસા તાલુકાના માલગઢ ગામની જોધપુરીયા ઢાંણી ખાતે રહેતાં મનસુખભાઈ મોહનભાઇ નાઈ પરિવાર સાથે રહી ગુજરાન ચલાવે છે. અને ડીસા શહેરમાં હોમગાર્ડ તરીકે ફરજ બજાવે છે. જેઓ રાત્રિના સમયે હોમગાર્ડ ડ્યુટીમાં ફરજ બજાવી રહ્યા હતા. તે દરમિયાન ડીસાના જાગૃત નાગરિકે ડીસાની નાયબ કલેકટર કચેરી આગળ રાત્રિના સમયે વોચ રાખી બાઇક (નં. GJ -08-BA -0136) સાથે બાઇકના હુકમાં થેલો લટકાવી તેમાં દારૂની બોટલો સાથે રંગેહાથ ઝડપી પાડ્યો હતો. જ્યારે હોમગાર્ડ જવાન ગલ્લા-તલ્લા કરવા લાગ્યો હતો. અરે એવું મત કરો મગજ ના બગાડો હેડો પોલીસ સ્ટેશન જાઉં તેમ કહી ફરાર થઇ ગયો હતો. ત્યારે ડીસા પોલીસ સ્ટેશનમાંથી આ દારૂ ક્યાંથી લાવ્યો કઇ જગ્યાએ લઇ જવાનો હતો ? તે ચર્ચાનો વિષય બન્યો છે. આ અંગે સોશિયલ મીડીયામાં વિડીયો વાયરલ થતાં ભારે ચકચાર મચી ગઇ છે. ત્યારે ડીસાના હોમગાર્ડ જવાનને તાત્કાલીક સસ્પેન્ડ કરે તેવી લોકોની માંગ ઉઠી છે.
