ડીસાના રિજમેન્ટ વિસ્તારમાં રહેણાંક મકાનમાંથી મૃતદેહ મળી આવતા ચકચાર

ડીસાના રિજમેન્ટ વિસ્તારમાં એક રહેણાંક મકાનમાંથી યુવક કિરણ ઠાકોરનો મૃતદેહ મળી આવતા ચકચાર મચી ગઈ છે. આ ઘટનાને પગલે લોકોના ટોળેટોળાં ઉમટી પડ્યા હતા .​આ ઘટનાની જાણ થતાં જ આસપાસના લોકોએ તાત્કાલિક મૃતકના પરિવારજનો અને પોલીસને જાણ કરી હતી. જેના પગલે ડીસા ઉત્તર પોલીસની ટીમ ઘટનાસ્થળે પહોંચી હતી અને તાત્કાલિક ધોરણે તપાસ શરૂ કરી હતી.​મૃતક યુવક કિરણ ઠાકોરનો મૃતદેહ મળી આવતાની સાથે જ તેની હત્યા કરવામાં આવી હોવાનું પ્રાથમિક અનુમાન લગાવવામાં આવી રહ્યું છે. જોકે, આ હત્યા છે કે આત્મહત્યા તે દિશામાં પોલીસે તપાસ હાથ ધરી છે.​પોલીસે મૃતક યુવકની લાશનો કબજો લઈને તેને પોસ્ટમોર્ટમ માટે ડીસા સિવિલ હોસ્પિટલ ખસેડી છે. પોસ્ટમોર્ટમ રિપોર્ટ આવ્યા બાદ જ મોતનું ચોક્કસ કારણ જાણી શકાશે. હાલ પોલીસ હત્યા અને આત્મહત્યા બંને પાસાઓને ધ્યાનમાં રાખીને સઘન તપાસ કરી રહી છે. આ ઘટનાએ સમગ્ર ડીસામાં શોક અને ભયનો માહોલ સર્જ્યો છે.