પાટણ જિલ્લાની ગ્રામ પંચાયતોની ચુસ્ત પોલીસ બંદોબસ્ત વચ્ચે તાલુકા વાઇઝ મત ગણતરી હાથ ધરાશે

પાટણ જિલ્લામાં ૨૫ જૂન મંગળવાર ના રોજ દરેક તાલુકા વાઇઝ મત ગણતરી હાથ ધરાશે. જિલ્લામાં અંદાજે કુલ ૧૩૬૫થી વધુનો સ્ટાફ મતગણતરીમાં ફરજ બજાવશે. તાલુકા વાઇઝ વાત કરીએ તો પાટણ તાલુકા માટે બીબીએ ભવન પાટણ ખાતે, સરસ્વતી તાલુકા માટે કેન્દ્રીય વિદ્યાલય ચોરમારપુરા, સરસ્વતી, સિધ્ધપુર તાલુકા માટે સરકારી હોમીયોપેથીક કોલેજ, દેથળી, ચાણસ્મા તાલુકા માટે કે.વી.પટેલ આઈ.ટી.આઈ. રૂપપુર, હારીજ તાલુકા માટે મોડેલ સ્કુલ, હારીજ, સમી તાલુકા માટે સરકારી વિનયન અને વાણિજય કોલેજ, સમી, શંખેશ્વર તાલુકા માટે મહિલા આઈ.ટી.આઈ. કોલેજ શંખેશ્વર, રાધનપુર તાલુકા માટે મોડલ સ્કુલ રાઘનપુર ભોયતળીયે, સાંતલપુર તાલુકા માટે પી.એમ. ગોકલાણી ઉ.મા.શાળા વારાહી ખાતે મતગણતરી હાથ ધરાશે આ મત ગણતરી પોલીસના ચુસ્ત બંદોબસ્ત વચ્ચે યોજાશે.