શામળાજી ચેકપોસ્ટ પર સ્ટેટ મોનિટરિંગ સેલનો સપાટો: લક્ઝરી બસના ગુપ્ત ખાનામાંથી ₹21.62 લાખનો દારૂ ઝડપાયો

 ગુજરાતમાં દારૂબંધીના કડક અમલ વચ્ચે બુટલેગરો દ્વારા અપનાવાતી નવી મોડસ ઓપરેન્ડીનો પોલીસે પર્દાફાશ કર્યો છે. રાજસ્થાન સરહદને જોડતી શામળાજી ચેકપોસ્ટ પરથી પસાર થતી એક વૈભવી લક્ઝરી બસને આંતરીને પોલીસે તપાસ કરતાં, બસની અંદર ખાસ બનાવેલા ગુપ્ત ખાનામાંથી રૂ. ૨૧.૬૨ લાખની કિંમતનો વિદેશી દારૂનો મોટો જથ્થો મળી આવ્યો હતો. પોલીસે દારૂ અને બસ સહિતનો મુદ્દામાલ જપ્ત કરી બે આરોપીઓની ધરપકડ કરી આગળની કાર્યવાહી હાથ ધરી છે.