સાબરકાંઠા જિલ્લાના વડાલી પંથકમાં SOGની મેગા સ્ટ્રાઈક: જુના રામપુરામાં હાઈપ્રોફાઇલ જુગારધામ ઝડપાયું

સાબરકાંઠા જિલ્લામાં અસામાજિક પ્રવૃત્તિઓ પર લગામ કસવા માટે જિલ્લા પોલીસ વડાની સૂચનાથી SOG (સ્પેશિયલ ઓપરેશન ગ્રુપ) એ ઓપરેશન ક્લીન હાથ ધર્યું છે. જે અંતર્ગત વડાલી તાલુકાના જુના રામપુરા ગામે ધમધમતા એક હાઈપ્રોફાઇલ જુગારધામ પર પોલીસે મધરાતે ત્રાટકીને સપાટો બોલાવ્યો હતો. આ દરોડા દરમિયાન પોલીસે જુગાર રમતા 8 શખ્સોને રંગેહાથ ઝડપી પાડ્યા હતા. પોલીસે ઘટનાસ્થળેથી રોકડ રકમ, મોબાઈલ ફોન અને વાહનો મળી કુલ રૂ. 7.07 લાખનો મુદ્દામાલ જપ્ત કરી જુગારી આલમમાં ભારે ખળભળાટ મચાવી દીધો છે.