ડીસા ભીલડી હાઇવે પર ગંભીર અકસ્માત સર્જાયો : મહિલાનું કરુણ મોત

લોરવાડા ગામે ભાઈને રાખડી બાંધી ઘરે પરત ફરી રહેલી મહિલાને હાઇવે ઉપર ગાડી ચાલકે જોરદાર ટક્કર મારી ડીસા ભીલડી હાઇવે પર લોરવાડા પાટિયા નજીક ગત મોડી સાંજે અકસ્માત સર્જાયો હતો. જેમાં એક બાઈક ચાલકનું કમકમાટી ભર્યું મોત નીપજ્યું હતું. જેની હજી શાહી સુકાઈ નથી ત્યાં ફરી એકવાર અકસ્માત સર્જાયો છે. આ અંગેની મળતી વિગતો પ્રમાણે કપરૂપુર ગામના સણીબેન અજમલસિંહ રાઠોડ નામની મહિલા લોરવાડા ગામે ભાગીયા તરીકે રહેતા પોતાના ભાઇ રતનસિંહ નવાજી જાદવ ને રક્ષાબંધન નિમિત્તે રાખડી બાંધવા આવ્યા હતા અને રાખડીમાંથી પહેલી સવારે પરત પોતાના ઘરે કપરુપુર જવા હાઇવે પરથી સણીબેન અજમલસિહ રાઠોડ પસાર થઈ રહ્યા હતા તે દરમિયાન પૂર ઝડપે આવી રહેલી ગાડીએ જોરદાર ટક્કર મારતા મહિલા રોડ પર પટકાતા કરૂણ મોત નિપજયું છે. ગાડી ચાલક અકસ્માત સર્જી નાસી છૂટયો હતો. આ ઘટનાના સીસીટીવી ફૂટેજ પણ સામે આવ્યા છે. અકસ્માતના પગલે હાઇવે ઓથોરિટીનો સ્ટાફ વાન દોડી આવ્યો હતો. અને ભીલડી પોલીસની જાણ કરતા લાશને પીએમ અર્થે ખસેડી વધુ તપાસ હાથ ધરી છે. સીસીટીવીના આધારે ગાડી ચાલકની શોધખોળ હાથ ધરી છે.