પાટણ માં વહેલી સવારથી વરસાદી માહોલ; અનેક વિસ્તારોમાં પાણી ભરાવાની સમસ્યા સર્જાઈ

પાટણ શહેર અને આસપાસના વિસ્તારોમાં રવિવારે વહેલી સવારથી વરસાદ શરૂ થયો. છેલ્લા કેટલાક દિવસોથી પ્રવર્તી રહેલી ઉકળાટભરી ગરમીમાંથી લોકોને રાહત મળી છે. વરસાદના કારણે વાતાવરણમાં ઠંડક પ્રસરી છે. તાપમાનમાં નોંધપાત્ર ઘટાડો થયો છે. વરસાદના આગમનથી શહેરીજનોમાં આનંદની લાગણી જોવા મળી રહી છે. ખેડૂત આલમમાં પણ ખુશીનું મોજું ફરી વળ્યું છે. લાંબા સમયથી વરસાદની રાહ જોતા ખેડૂતો માટે આ વરસાદ આશાનું કિરણ બન્યો છે. વાવણીલાયક વરસાદ થતાં ખેડૂતો ખેતીની કામગીરી શરૂ કરશે. શહેરના નીચાણવાળા વિસ્તારોમાં પાણી ભરાવાની સમસ્યા સર્જાઈ છે. કેટલીક સોસાયટીઓ અને મુખ્ય માર્ગો પર પાણી ભરાયા છે. આના કારણે વાહનચાલકો અને રાહદારીઓને મુશ્કેલીનો સામનો કરવો પડી રહ્યો છે. સ્થાનિક તંત્ર પાસેથી આ સમસ્યાના નિરાકરણની લોકો અપેક્ષા રાખી રહ્યા છે.