થરાદમાં પોલીસની કાળા કાચવાળા વાહનો પર કાર્યવાહી

૨૧૦ વાહનોના બ્લેક ફિલ્મ ઉતરાવ્યા, ૧૨ હજારનો દંડ વસૂલ્યો; થરાદ પોલીસે ટ્રાફિક નિયમો અને કાયદા નું પાલન ન કરતાં વાહનચાલકો પર કાર્યવાહી હાથધરી છે. જેમાં છેલ્લા પાંચ દિવસથી પોલીસે બ્લેક ફિલ્મ સહિત કાયદાનો ભંગ કરતાં વાહનચાલકો ને દંડ ફટકારાયો હતો. થરાદ પોલીસે કાયદાનો ભંગ કરતા વાહનચાલકો સામે મોટી કાર્યવાહી હાથધરી છે. થરાદ પોલીસે છેલ્લા પાંચ દિવસથી સાત ટીમો બનાવીને આ અભિયાન શરૂ કર્યું હતું. આ કાર્યવાહી દરમિયાન પોલીસે ૨૧૦ વાહનોના કાળા કાચ (બ્લેક ફિલ્મ) ઉતરાવ્યા છે. વધુમાં, નિયમોનું ઉલ્લંઘન કરનારા ૪ વાહનોને ડિટેઇન કરવામાં આવ્યા છે. પોલીસે આ કાર્યવાહી દરમિયાન વાહનચાલકો પાસેથી કુલ ૧૨,૦૦૦ રૂપિયાનો દંડ વસૂલ કર્યો છે. આ કાર્યવાહીથી કાળા કાચ રાખતા વાહનચાલકોમાં ફફડાટ ફેલાયો છે. પોલીસની આ કાર્યવાહીથી ટ્રાફિક નિયમોનું ઉલ્લંઘન કરનાર વાહનચાલકો માં ફફડાટ વ્યાપી જવા પામ્યો હતો.