વિદેશી દારૂની બોટલ નંગ ૪,૮૦૦ કિ.રૂ.૬,૭૯,૧૬૭ નો મુદામાલ જપ્ત કરી કાર્યવાહી હાથ ધરી
સમીના કનીજ ગામેથી પાટણ એલસીબી પોલીસ ટીમે વિદેશી દારૂની બોટલ નંગ ૪,૮૦૦ કિ.રૂ.૬,૭૯,૧૬૭ ના મુદામાલ સાથે એક ઈસમને ઝડપી કાયદેસરની કાર્યવાહી હાથ ધરી હોવાનું જાણવા મળ્યું છે. પોલીસ મહાનિરીક્ષક ચિરાગ કોરડીયા સરહદી રેન્જ ભુજ તથા પોલીસ અધિક્ષક વી.કે.નાયી પાટણ દ્રારા પાટણ જીલ્લામાં પ્રોહી/જુગારની બદી નેસ્ત નાબુદ કરવા કરેલ સુચના અનુસંધાને પાટણ એલસીબી પીઆઈ.આર.જી.ઉનાગર ના માર્ગદર્શન હેઠળ એલ.સી.બી.પાટણની ટીમ ગત તા.૦૭/૦૫/૨૦૨૬ ના.રાત્રી પેટ્રોલીંગમાં હતી, દરમ્યાન બાતમી હકિકત મળેલ કે,વિનાજી ઉર્ફે વિષ્ણુજી પરમાજી ઠાકોર રહે.બાસ્પા તા.સમી જી.પાટણવાળાએ સમી તાલુકાના કનીજ ગામે નવીન બની રહેલ એક મકાનમાં પ્રતિબંધિત ભારતીય બનાવટના વિદેશી દારૂનો મુદામાલ બહારથી મંગાવી સંતાડી રાખેલ છે જે બાતમી આધારે ટીમે કાર્યવાહી કરતાં તે જગ્યાએ મહેશભાઇ હેમતજી ઠાકોર રહે.સુરકા તા.રાધનપુર જી.પાટણવાળાભારતીય બનાવટના વિદેશી દારૂની બોટલ નંગ-૪,૮૦૦ કિ.રૂ.૬,૭૯,૧૬૭ ના મુદામાલની રાત્રીના સમયે રખેવાળી કરતાં મળી આવેલ અને પકડાયેલ મુદામાલ તેમના બનેવી વિનાજી ઉર્ફે વિષ્ણુજી ઠાકોરનો હોવાનું અને તેઓએ રાજસ્થાન ખાતેના એક મારવાડી પાસેથી મંગાવતા તે સફેદ કલરની ફોર વ્હીલ ગાડીમાં આપી જતાં જેની હું રખેવાળી કરૂ છુ તેવી હકિકત જણાવતાં તમામ મુદામાલ કબજે કરી સંડોવાયેલ ઇસમો વિરૂધ્ધમાં સમી પો.સ્ટે. ગુનો રજી. કરી આગળની કાર્યવાહી હાથ ધરેલ છે.
