સિદ્ધપુર તાલુકા પંચાયતની ૧૮સહેસા બેઠકના સદસ્ય ક્રિષ્ણાબેન વિજુસંગ ઠાકોરને ત્રણ સંતાનો હોવાથી ગેરલાયક ઠેરવી પદ ખાલી કરાયું છે. પાટણ જિલ્લા વિકાસ અધિકારી સી. એલ.પટેલે ગુજરાત પંચાયત અધિનિયમ-૧૯૯૩ હેઠળ આ આદેશ આપ્યો છે. ક્રિષ્ણાબેન ૨૦૨૬ની ચૂંટણીમાં ચૂંટાયા હતા. રોહિતજી બાલસંગજી ઠાકોરે ત્રણ સંતાનો હોવા છતાં ચૂંટણી ફોર્મમાં ખોટી માહિતી આપ્યાની ફરિયાદ કરી. અધિનિયમ મુજબ, ૦૪/૦૮/૨૦૦૫ પછી બેથી વધુ સંતાનો ધરાવનાર વ્યક્તિ સભ્ય તરીકે ગેરલાયક ઠરે છે.
તપાસમાં ત્રણ સંતાનોના જન્મ પ્રમાણપત્રો મળ્યા. જેમાં જયદિપસિંહ (૧૫/૦૮/૨૦૧૩, મહેસાણા), ખુશીબેન (૨૭/૧૨/૨૦૧૪, કાકોશી) અને જાન્વી (૧૫/૧૨/૨૦૨૦) તપાસમાં ત્રણ સંતાનોના જન્મ પ્રમાણ પત્રો મળ્યા સદસ્યએ ત્રીજા સંતાનને જેઠ દલાજી ઠાકોરને દત્તક આપ્યાનું જણાવ્યું, પણ કાયદા મુજબ જન્મ આપનાર માતા-પિતા માટે દત્તક આપેલું બાળક બાકાત ગણી શકાય નહીં.
DDO સમક્ષ સુનાવણીઓ થઈ, જેમાં સદસ્ય હાજર રહ્યા ન હતા. તમામ પુરાવા અને કાયદાકીય જોગવાઈઓને ધ્યાનમાં લઈને DDO એ ક્રિષ્ણાબેનને સદસ્ય પદેથી ગેરલાયક ઠેરવી તેમનું પદ ખાલી જાહેર કરતો આદેશ કર્યો છે.
