મોદી સરકાર અને ભાજપ શાસનમાં ‘અચ્છે દિન’ અને વિકાસના મોટા-મોટા દાવાઓ પોકળ સાબિત થઈ રહ્યા છે. સરસ્વતી તાલુકાના ગામડાઓમાં નવરાત્રી જેવા પવિત્ર તહેવાર ટાણે પણ વીજળીનો ત્રાસ યથાવત છે અને જનતા અંધકારમાં ધકેલાઈ ગઈ છે. તાલુકામાં વારંવાર વીજળી ગુલ થવી, ટ્રીપીંગ થવું અને વોલ્ટેજમાં ભારે વધઘટ થવાને કારણે ભાજપ સરકારની જનવિરોધી નીતિઓનો ભોગ બનેલા ખેડૂતો, પશુપાલકો અને ગ્રામજનો અસહ્ય મુશ્કેલીઓ વેઠી રહ્યા છે. સાંજના સમયે વીજળી કાપી નાખવામાં આવતી હોવાથી ખેતરોમાં જતા અન્નદાતાઓને ઝેરી જીવ-જંતુઓનો ભય સતાવે છે તેમજ ડેરીઓમાં પણ દૂધ ભરવા અને સાચવવામાં ભારે હાલાકી પડે છે.
આ કાર્યક્રમમાં મોટી સંખ્યામાં આગેવાનો, અન્નદાતા ખેડૂત મિત્રો અને જાગૃત ગ્રામજનો મક્કમ મિજાજ સાથે ઉપસ્થિત રહીને તંત્રને આવેદનપત્ર પાઠવ્યું હતું. આવેદનપત્રના માધ્યમથી સરકાર અને તંત્રને સ્પષ્ટ ચેતવણી આપવામાં આવી છે કે જો વહેલી તકે ગ્રામ્ય વિસ્તારોમાં પૂરતી અને નિયમિત વીજળી પૂરી પાડવામાં નહીં આવે, તો ભાજપ સરકાર સામે આનાથી પણ વધુ ઉગ્ર જનઆંદોલન છેડવામાં આવશે.
