મહેસાણામાં ચૂંટણી પ્રક્રિયા દરમિયાન જનતાને હચમચાવી નાખનાર ભાજપ ઉમેદવારના ભાણાની હત્યાનો ભેદ આખરે પોલીસે ઉકેલી નાખ્યો છે. આ હત્યા પાછળ અંગત અદાવત નહીં પરંતુ રાજકીય દ્રેષ જવાબદાર હોવાનું બહાર આવ્યું છે. પોલીસ તપાસમાં ચોંકાવનારો ખુલાસો થયો છે કે, આ ગુનામાં કોંગ્રેસ ઉમેદવારના પતિની સીધી સંડોવણી છે, જેમણે અન્ય સાગરીતો સાથે મળીને મતદાનના બરાબર આગલા દિવસે જ આ ક્રૂર હત્યાને અંજામ આપ્યો હતો.
ઘટના બાદ ફરાર થઈ ગયેલા મુખ્ય સૂત્રધાર અને તેના સાગરીતોને પકડવા માટે પોલીસે અલગ-અલગ ટીમો બનાવી હતી. ટેકનિકલ સર્વેલન્સ અને ગુપ્ત બાતમીદારોની મદદથી પોલીસે રાજસ્થાન અને ઉત્તર પ્રદેશ (UP) સુધી પીછો કરીને આરોપીઓને દબોચી લીધા છે. રાજકીય હિત સાધવા માટે કરવામાં આવેલી આ હત્યાએ લોકશાહીના પર્વ પર કાળી ટીલી સમાન સાબિત થઈ છે.
