અરવલ્લીમાં મેઘમહેર: મોડાસા અને શામળાજી સહિતના વિસ્તારોમાં વરસાદ, ઉકળાટથી મળી રાહત

અરવલ્લી જિલ્લામાં લાંબા સમયના અસહ્ય ઉકળાટ અને ભારે ગરમી બાદ આખરે હવામાનમાં પલટો આવ્યો છે અને મેઘરાજાએ ધમાકેદાર એન્ટ્રી કરી છે. જિલ્લાના મુખ્ય મથક મોડાસા, યાત્રાધામ શામળાજી સહિત આજુબાજુના ગ્રામ્ય વિસ્તારોમાં વહેલી સવારથી જ ઠંડા પવન સાથે વરસાદી માહોલ જામ્યો છે. લાંબા સમય બાદ પડેલા આ વરસાદને કારણે વાતાવરણમાં અદભુત ઠંડક પ્રસરી ગઈ છે અને લોકોને અસહ્ય ગરમીમાંથી મોટી રાહત મળી છે. વરસાદના પગલે ધરતીપુત્રોમાં પણ આગામી સીઝનને લઈને ખુશીનો માહોલ જોવા મળી રહ્યો છે.