ધાનેરામાં લાંબી કતાર; ભીલ સમાજના ખેડૂતોને મગફળીના બિયારણનું વિના મૂલ્યે વિતરણ

ધાનેરામાં કેન્દ્ર અને રાજ્ય સરકારના સંયુક્ત પ્રયાસથી ભીલ સમાજના ખેડૂતોને ખેતીમાં સહાયરૂપ થવા માટે મફતમાં મગફળીના બિયારણનું વિતરણ કરવામાં આવ્યું હતું. આ યોજના હેઠળ એક હેક્ટર માટે પાંચ કટ્ટા મગફળીના બિયારણ આપવામાં આવી રહ્યા છે. ધાનેરા ખરીદ વેચાણ સંઘ ખાતે મોટી સંખ્યામાં ખેડૂતો અને મહિલાઓ લાંબી કતારમાં ઊભા રહી બિયારણ મેળવતા જોવા મળ્યા હતા. ધાનેરા તાલુકાના 1236 ભીલ સમાજનાં ખેડૂતોને આ યોજનાનો લાભ મળ્યો હતો. ખેતીવાડી વિભાગના વિસ્તરણ અધિકારીઓ અને ગ્રામસેવકો દસ્તાવેજોની પ્રક્રિયા પૂર્ણ કરીને બિયારણ વિતરીત કરી રહ્યા હતા.ખેડૂતોની ભીડને ધ્યાનમાં રાખીને સ્થાનિક સંઘે ટોકન સિસ્ટમ અમલમાં મૂકી વિતરણ વ્યવસ્થિત કર્યું હતું.