હિંમતનગર શહેરમાં દારૂની હેરાફેરી કરતા અસામાજિક તત્વો સામે પોલીસે લાલ આંખ કરી છે. સ્થાનિક પોલીસ પેટ્રોલીંગમાં હતી. તે દરમિયાન બાતમીના આધારે હિંમતનગર વિસ્તારમાંથી એક રીટ્ઝ કારને શંકાસ્પદ હાલતમાં ઝડપી પાડવામાં આવી હતી.
પોલીસે કારની તલાશી લેતા અંદરથી વિદેશી દારૂનો મોટો જથ્થો મળી આવ્યો હતો. કારમાંથી કુલ ૮૧૬ નંગ વિદેશી દારૂની બોટલો અને ટીન જપ્ત કરવામાં આવ્યા છે. પોલીસે દારૂ, કાર અને અન્ય સાધનસામગ્રી મળી કુલ અંદાજે રૂ. ૩.૬૭ લાખનો મુદ્દામાલ કબજે કર્યો છે. આ કેસમાં સંડોવાયેલા એક શખ્સની ધરપકડ કરી પોલીસ દ્વારા આગળની કાયદેસરની કડક કાર્યવાહી હાથ ધરવામાં આવી છે.
