બનાસકાંઠા સહિત ગુજરાતમાં 12 થી 17 જૂન દરમિયાન હળવાથી મધ્યમ વરસાદની શક્યતા

ગુજરાત હવામાન વિભાગે બનાસકાંઠા સહિત રાજ્યના અનેક જિલ્લાઓમાં વરસાદની આગાહી કરી છે.હવામાન વિભાગના જણાવ્યા અનુસાર, 15 જૂને બનાસકાંઠા જિલ્લામાં છૂટાછવાયા વિસ્તારોમાં ગાજવીજ સાથે હળવાથી મધ્યમ વરસાદ પડી શકે છે.16 અને 17 જૂન દરમિયાન પણ બનાસકાંઠા જિલ્લાના કેટલાક વિસ્તારોમાં ગાજવીજ સાથે હળવાથી મધ્યમ વરસાદની સંભાવના છે. હાલમાં બનાસકાંઠા જિલ્લામાં લોકો ભારે ગરમીનો સામનો કરી રહ્યા છે. આકરી ગરમીના કારણે લોકો પરેશાન થઈ ગયા છે. વરસાદ આવે તો લોકોને ગરમીમાંથી રાહત મળવાની આશા છે.