પોલીસે ખેતર માલિક સહિત ૯ ઈસમો સામે ગુનો નોંધી રૂ.૧.૩૬ લાખનો મુદ્દામાલ કબજે કર્યો
વાવ થરાદ જીલ્લા પોલીસ અધિક્ષક તથા નાયબ પોલીસ અધિક્ષક , થરાદ વિભાગ નાઓએ જીલ્લામાં જુગાર/દારૂ ની પ્રવૃતિ નેસ્ત નાબુદ કરવા આપેલ સુચના અન્વયે ભાભર પો.સ્ટે.ની હદમાં એસીબી વાવ થરાદની ટીમ પેટ્રોલીંગમાં હતી તે દરમ્યાન ખાનગી બાતમી મળતા ભાભર તાલુકાના અબાસણા ગામની સીમમાં ભાવસિંગ રાજાભાઇ ઠાકોરના ખેતરમાં બનાવેલ ખુલ્લા પતરાં ઢાંકેલ ઢાળમાં લાઇટના અજવાળે ગેરકાયદેસર અંગત ફાયદા માટે વગર પાસ પરમીટ વગર ગંજીપાનાના વડે પૈસાની હારજીતનો તીનપત્તીનો જુગાર રમાતો હોવાની ચોક્કસ બાતમી ના આધારે એસીબીએ રેડ કરતા સ્થળ પરથી જુગાર રમતા ૮ ઈસમો ઝડપાઈ ગયા હતા.
પોલીસ સ્થળ પર થી રોકડ રકમ રૂ.૧,૦૬,૮૦૦/ મોબાઈલ નંગ - ૩ કિ.રૂ.૩૦,૦૦૦/ મળી કુલ રૂ ૧,૩૬,૮૦૦/ નો મુદ્દામાલ કબજે કરી ખેતર માલિક સહિત ૯ ઈસમો સામે ભાભર પોલીસ મથકે ગુનો નોંધી વધુ તપાસ હાથ ધરી છે. અત્રે ઉલ્લેખનીય છે કે સ્થાનિક પોલીસની કામગીરી સામે શંકા કુશંકા ઉઠી રહી છે કે સ્થાનિક પોલીસ ઉંઘતી ઝડપાઇ કે હપ્તા આપી જુગાર નો અડ્ડો ચાલતો હતો તેવા સવાલો આમ જનતામાં ઉઠી રહ્યા છે.
