મહેસાણામાં વાહનન ચોરીનો ભેદ ઉકેલી કલોલ શહેર માંથી મોટર સાયકલની ચોરી કરનાર ઈસમને ચોરીના ત્રણ મોટર સાયકલ કુલ કિમત રૂપિયા 60,000/- ના મુદામાલ સાથે મહેસાણા લોકલ ક્રાઇમ બ્રાન્ચે ઝડપી પાડ્યો છે.મહેસાણા જીલ્લામાં બનતા મિલ્કત સંબધી ગુન્હા અટકાવવા તેમજ વાહન ચોરીના બનાવો બનેલ હોઇ જે અંગે સતત પેટ્રોલીંગ રાખી વાહન ચોરી કરતા ઇસમોને પકડી પાડી કાયદેસર કાર્યવાહી કરવા સુચના કરેલ.
મહેસાણા જીલ્લામાં બનતા વાહન ચોરી સંબધી ગુન્હા અટકાવવા તેમજ વાહનચોરી કરતા ઇસમોને પકડી પાડી કાયદેસર કાર્યવાહી કરવા અંગેની કામગીરી હાથ ધરેલ. જે અંગેની કામગીરીમાં PSI એન.પી.પરમાર તથા મહેન્દ્રકુમાર કાનજીભાઇ,મૌલીકકુમાર સુરેશભાઇ, મેહુલકુમાર રણછોડજી, PC કલ્પેશકુમાર અમૃતભાઇ વિગેરે એલ.સી.બી. સ્ટાફના માણસો આ અંગેની કામગીરીમાં હતા.
આ દરમ્યાન ખાનગી રાહે બાતમી હકીકત મળેલ કે, એક ઇસમ નંબર પ્લેટ વગરના હીરો સ્પ્લેન્ડર મોટર સાયકલ લઈ પાલાવાસણા ચોકડી થી નાગલપુર ચોકડી તરફ આવે છે જે હકીકત આધારે એલ.સી.બી. ટીમે નાગલપુર ચાર રસ્તા નજીકથી એક ઇસમને નંબર પ્લેટ વગરના હીરો સ્પ્લેન્ડર સાથે ઝડપી પાડેલ અને સદરી ઇસમ પાસેથી મળી આવેલ નંબર પ્લેટ વગરના હીરો સ્પ્લેન્ડર મોટર સાયકલના એન્જીન ચેચીસ નંબર આધારે મોટર સાયકલનો આર.ટી.ઓ નંબર વેરીફાઇ કરતા મોટર સાયકલનો નં. GJ.18.R.3541 નો હોઇ જે મોટર સાયકલ બાબતે પુછપરછ કરતા પકડાયેલ ઉપરોક્ત ઇસમે સદર મોટર સાયકલ આજથી ત્રણેક વર્ષ પહેલાં કલોલ આસોડીયા રોડ નજીકથી ચોરી કરેલ હોવાની કબુલાત કરી હતી. ઉપરોક્ત ઇસમની પુછપરછ કરતા તેણે આ મોટર સાયકલ ઉપરાંત અગાઉ કલોલ મુકામેથી બીજા બે મોટર સાયકલ પણ ચોરી કરી તેના મિત્રોને સસ્તા ભાવે વેચાણ આપેલ હોઇ જે બન્ને મોટર સાયકલ પણ કબજે કરી પકડાયેલ ઇસમ વિરૂધ્ધ કાયદેસરની કાર્યવાહી કરી આગળની તપાસ હાથ ધરવામાં આવેલ છે.
