(જિલ્લા પંચાયત 6 બેઠકો પૈકી 3, કોંગ્રેસ,3 ભાજપના ઉમેદવાર વિજેતા)
બનાસકાંઠા જિલ્લાની વિવિધ તાલુકા અને જિલ્લા પંચાયતો તેમજ પાલનપુર, ડીસા અને ધાનેરા નગરપાલિકાઓની સામાન્ય ચૂંટણીનું મતદાન ગત રવિવારે તા.૨૬/૦૪/૨૦૨૬ના રોજ યોજાયું હતું. જે સંદર્ભે વડગામ તાલુકાની 28 પૈકી 27 તાલુકા પંચાયત બેઠક અને 6 જિલ્લા પંચાયત બેઠકની મતગણતરી લિંબોઈ કોલેજ ખાતે હાથ ધરવામાં આવી હતી. જેમાં બનાસકાંઠા જિલ્લા પંચાયતની ત્રણ બેઠક કોંગ્રેસ અને ત્રણ બેઠકમાં ભાજપના ઉમેદવાર વિજેતા થયાં હતાં. અને તાલુકા પંચાયતની 28 બેઠકો પૈકી મગરવાડા બેઠક બિનહરીફ જાહેર કરવામાં આવી હતી. અને 27 બેઠકો માટે મતદાન યોજાયું હતું. જેમાં 14 બેઠકો કોંગ્રેસ અને 13 બેઠકો માં ભાજપ, એક અપક્ષ ઉમેદવાર વિજેતા થતાં કહી ખુશી કહી ગમનાં દ્શ્યો સર્જાયો હતાં.
મંગળવાર સવારે મતગણતરી સ્થળે વહેલી સવારથી ઉમેદવારો સહિત રાજકીય પાર્ટીઓના ટેકેદારો મોટી સંખ્યામાં ઉમટી પડ્યા હતાં. ચુંટણી અધિકારી અંકિત પટેલ મદદનીશ ચુંટણી અધિકારી સંકેત શાહ, રમેશભાઈ ચૌધરી દ્વારા મતદાન મથક નજીક ચુસ્ત પોલીસ બંદોબસ્ત ગોઠવવામાં આવ્યો હતો
