ડીસાના શિવનગરની વૃંદાવન સોસાયટી પાછળ જુગાર રમતા ઈસમો ઝડપાયા

3 ઈસમો સામે કાયદેસરની કાર્યવાહી; ડીસામાં શિવનગરની વૃંદાવન સોસાયટી પાછળ જુગાર રમતા ત્રણ ઈસમોને ડીસા ઉત્તર પોલીસે ઝડપી લીધા હતા. ડીસા શહેર ઉત્તર પોલીસ સ્ટેશન વિસ્તારના શિવનગરની પાછળ આવેલી વૃંદાવન સોસાયટીના પાછળના ભાગે ગઈ કાલે ત્રણ વ્યક્તિઓ જાહેરમાં તીન પત્તીનો જુગાર રમતા હોવાની બાતમી પોલીસને મળી હતી.જેથી પોલીસે તપાસ કરતા અહીં રહેતા શૈલેષભાઈ જયંતિભાઈ રાવળના ઘરની નજીક કેટલાક વ્યક્તિઓ જાહેરમાં જુગાર રમતા હતા. જેથી પોલીસે જુગાર રમતા મિલનભાઈ અરવિંદભાઈ રાવળ -પાટણ,મહેશભાઈ જોઈતાભાઈ રાવળ -ડીસા અને રાહુલકુમાર ગણેશભાઈ માજીરાણા-ડીસાને ઝડપી લઇ તેમની પાસેથી કુલ રૂ. 3,300/- ની રોકડ જપ્ત કરી તમામ સામે જુગારધારા કલમ- 12 હેઠળ કાયદેસરની કાર્યવાહી હાથ ધરી છે. પોલીસે વધુ તપાસ કરતા શૈલેષભાઈ રાવળના ઘરે વીજ કનેકશન ન હોવાના કારણે મકાનના દબાણના પુરાવા પણ મળી આવ્યા છે.