સિદ્ધપુર GEB કચેરીમાં ફરજ દરમિયાન માર્ગ અકસ્માતમાં મૃત્યુ પામેલા ઇલેક્ટ્રિક આસિસ્ટન્ટ વિજયસિંહ અનારજી ઠાકોરના પરિવારને રૂ. 5 લાખનો અકસ્માત વીમાનો ચેક સિધ્ધપુર ધારાસભ્ય બલવંતસિંહ રાજપૂતના હસ્તે મૃતકનાં પત્ની ભાવનાબેન ઠાકોરને અપૅણ કરવામાં આવ્યો હતો. યુનિયનના પ્રયાસોથી તેમના પુત્રને UGVCLમાં ઇલેક્ટ્રિકલ આસિસ્ટન્ટ તરીકે નોકરી પણ મળી છે. કર્મચારી અકસ્માત વીમા યોજના હેઠળ મળેલી સહાયનો ચેક સિદ્ધપુર GEB કચેરી ખાતે યોજાયેલા કાર્યક્રમમાં આપવામાં આવ્યો હતો.
આ પ્રસંગે કર્મચારી ક્રેડિટ સોસાયટીના પ્રમુખ સુરેશભાઈ દેસાઈ, હિતેશભાઈ આર.વ્યાસ, GEB યુનિયનના હોદ્દેદારો અને સાથી કર્મચારીઓ હાજર રહ્યા હતા.ધારાસભ્ય બળવંતસિંહ રાજપૂતે કહ્યું કે, આવી યોજનાઓ પરિવારને આર્થિક ટેકો આપે છે. તેમણે ક્રેડિટ સોસાયટીની કામગીરીની નોંધ લીધી અને ભવિષ્યમાં પણ પરિવારને જરૂરી મદદની ખાતરી આપી હતી. કાર્યક્રમના અંતે યુનિયનના હોદ્દેદારો અને કર્મચારીઓએ ધારાસભ્યનો આભાર વ્યકત કર્યો હતો.
