ચડોતર-ગઢ રોડ પરથી વિદેશી દારૂ ભરેલી ઇનોવા ઝડપાઇ; 14.43 લાખનો મુદ્દામાલ જપ્ત

પાલનપુર તાલુકાના ચડોતર-ગઢ રોડ પરથી પોલીસે વિદેશી દારૂ ભરેલી ઇનોવા કાર ઝડપી લીધી હતી. પોલીસે દારૂ ભરેલી ઇનોવા સહિત કુલ રૂ.14.43 લાખનો મુદ્દામાલ કબ્જે કરી વધુ તપાસ હાથ ધરી છે. એલ.સી.બી પોલીસ સ્ટાફ પાલનપુર તાલુકા પોલીસ સ્ટેશન વિસ્તારમાં પેટ્રોલીંગમાં હતા. દરમ્યાન બાતમીના આધારે નાકાબંધી દરમ્યાન મોજે ચડોતર ગામથી ગઢ જવાના રોડ ઉપર ઇનોવા ગાડી નં. GJ 10 CG 8793 ના ચાલકએ પોતાના કબ્જાની ઇનોવા ગાડીમાં ગે.કા અને વગર પાસ પરમીટે ભારતીય બનાવટના વિદેશી દારૂ/બિયર બોટલ નંગ-૧૫૫૬ કિ.રૂ.૪,૪૩,૪૮૪/ તથા ઇનોવા ગાડી કિ.રૂ.૧૦,૦૦,૦૦૦/- મળી કુલ કિ.રૂ.૧૪,૪૩,૪૮૪/- નો મુદ્દામાલ રાખી અનઅધિકૃત રીતે ઇનોવા ગાડીમાં પાછળની શીટમાં તથા ડીક્કીમાં મુકી ચોરી છુપીથી ગુજરાતમાં ઘુસાડી ગુનો કરી આરોપી નાસી ગયેલ હોય જેની વિરૂધ્ધમાં પાલનપુર તાલુકા પોલીસ સ્ટેશન ખાતે કાયદેસરની કાર્યવાહી કરવામાં આવેલ છે.