કાંકરેજ તાલુકા ખરીદ-વેચાણ સંઘમાં પ્રતિનિધિત્વની માંગ સાથે ઠાકોર સમાજની વિશાળ રેલી
રેલીને લઈ સહકારી અને રાજકીય ક્ષેત્રે હલચલ
બનાસકાંઠા જિલ્લાના કાંકરેજ તાલુકા ખરીદ-વેચાણ સંઘની ચૂંટણીને લઈને સહકારી અને રાજકીય ક્ષેત્રે ગરમાવો જોવા મળી રહ્યો છે. સંઘના 15 ડિરેક્ટર પદ માટે ચૂંટણી જાહેર થઈ છે ત્યારે યોગ્ય પ્રતિનિધિત્વની માંગ સાથે કાંકરેજ તાલુકા ઠાકોર સમાજ દ્વારા રેલી યોજી મામલતદારને આવેદનપત્ર આપવામાં આવ્યું હતું.
71.jpg205.69 KBશિહોરી-ડીસા રોડ પર આવેલા શોપિંગ સેન્ટરથી કાંકરેજ મામલતદાર કચેરી સુધી ઠાકોર સમાજ દ્વારા રેલી યોજાઈ હતી. રેલીમાં મોટી સંખ્યામાં સમાજના લોકો જોડાયા હતા. મામલતદાર કચેરી ખાતે પહોંચ્યા બાદ પ્રતિનિધિત્વની માંગ સાથે મામલતદારને આવેદનપત્ર સુપરત કરવામાં આવ્યું હતું.એક તરફ ખરીદ-વેચાણ સંઘની ચૂંટણી પ્રક્રિયા ચાલી રહી છે અને આજે 27 ઓગસ્ટે ઉમેદવારી ફોર્મ ભરવાની છેલ્લી તારીખ છે, ત્યારે ઠાકોર સમાજની રેલીથી કાંકરેજના સહકારી ક્ષેત્રની સાથે રાજકીય વર્તુળોમાં પણ ચર્ચા તેજ બની છે.ચૂંટણીને લઈ વિવિધ દાવેદારો અને તેમના સમર્થકો સક્રિય બન્યા છે. કયા ઉમેદવારને કયા જૂથનું સમર્થન મળે છે અને કોણ ચૂંટણી મેદાનમાં ઉતરે છે તેના પર સહકારી ક્ષેત્રની સાથે તાલુકાના રાજકીય વર્તુળોની પણ નજર છે.72.jpg154.87 KBદરમિયાન રાજકીય વર્તુળોમાં એવી પણ ચર્ચા ચાલી રહી છે કે ભાજપનું મેન્ડેટ જેને મળશે તે ઉમેદવાર ચૂંટણી મેદાનમાં ઉતરી શકે છે. બીજી તરફ, સંઘના પેટા કાયદા મુજબ 25 હજાર રૂપિયાના શેર ધરાવતી મંડળીના ઉમેદવારને ફોર્મ ભરવાની પાત્રતા હોવાની ચર્ચા છે. જોકે ઉમેદવારી પ્રક્રિયા પૂર્ણ થયા બાદ જ ચૂંટણીનું અંતિમ ચિત્ર સ્પષ્ટ થશે.હવે ઠાકોર સમાજની પ્રતિનિધિત્વની માંગ, ઉમેદવારોની સંખ્યા, વિવિધ જૂથોના સમર્થન અને ચૂંટણીમાં ડિરેક્ટર પદની બાજી કોણ મારે છે ? તેના પર સૌની નજર મંડાઈ છે.
