ગરમીનો કહેર : બનાસકાંઠા જિલ્લામાં ઓરેન્જ એલર્ટ વચ્ચે આગ આંકતી ગરમીથી જનજીવન પ્રભાવિત

છેલ્લા ત્રણ દિવસથી ગરમીનો પારો 43 ડિગ્રી થી આકાશમાંથી અગનગોળા છુટતા લોકો તોબા પોકારી ઊઠયા. એપ્રિલની શરૂઆતમાં તાપમાનનો પારો ઉંચકાતા સમગ્ર બનાસકાંઠા જિલ્લામાં આગ આંકતી ગરમી પડી રહી છે .ચાલુ સિઝનમાં ડીસા શહેર સહિત બનાસકાંઠા જિલ્લામાં પહેલીવાર તાપમાનનો પારો ૪૩ ડિગ્રીને પાર કરી ગયો છે. આગામી બે દિવસ સુધી તો હવામાન વિભાગ દ્વારા બનાસકાંઠા જિલ્લામાં ઓરેન્જ એલર્ટ જાહેર કરવામાં આવ્યું છે. જેના કારણે મહત્તમ તાપમાન ૪૨ થી ૪૪ ડિગ્રીની આસપાસ રહેશે તેવી આગાહી કરવામાં આવી છે. ગરમીનો પ્રકોપ વધતા લોકો ત્રાહિમામ્ પોકારી ઊઠ્યા છે. વધતા જતા તાપમાન અને હિટવેવની સ્થિતિને જોતા પંજા અને પશુ પક્ષીઓના આરોગ્ય માટે ખતરા સમાન છે. આગામી થોડા દિવસ બાદ હજુ તાપમાનમાં વધારો થવા સાથે ઉષ્ણતામાનનો પારો વધે તેવી સંભાવના છે. છેલ્લા કેટલાક દિવસથી હવામાન સૂકુ રહેવા લાગ્યું છે. દર કલાકે આઠ કિ.મી. આસપાસની ઝડપે મુખ્યત્વે ઉત્તર-પશ્ચિમ દિશામાંથી ફૂંકાતા પવનોએ વાતાવરણને વધુ ગરમ બનાવ્યું છે જેથી કેટલાક વિસ્તારોમાં લુની પણ અસર જોવા મળી રહી છે ચામડી દાજે તેવી ગરમી પડવા લાગતા જનજીવનને પણ ભારે અસર જોવા મળી રહી છે અને બપોરના સમયે માર્ગો પણ સુમસામ થવા લાગ્યા છે.