બનાસકાંઠામાં અધિકારીઓ-કર્મચારીઓ માટે આરોગ્ય ચકાસણી કેમ્પનું આયોજન કરાયું

બનાસકાંઠા જિલ્લા કલેક્ટર મિહિર પટેલના માર્ગદર્શન હેઠળ સરકારની કલ્યાણ યોજના અંતર્ગત જિલ્લામાં ફરજ બજાવતા વિવિધ અધિકારીઓ અને કર્મચારીઓ માટે આરોગ્ય ચકાસણી કેમ્પનું આયોજન કરાયું હતું. આજરોજ કલેક્ટર કચેરી, પાલનપુર ખાતે કલેક્ટર મિહિર પટેલ, નિવાસી અધિક કલેકટર સી.પી.પટેલ સહિતના કુલ ૧૪૦ અધિકારીઓ અને કર્મચારીઓએ પોતાના હેલ્થનું ચેકઅપ કરાવ્યું હતું. જિલ્લા આરોગ્ય વિભાગ દ્વારા બનાસકાંઠાના તમામ તાલુકાઓમાં પણ આજે અધિકારીઓ અને કર્મચારીઓના આરોગ્યની તપાસ હાથ ધરી હતી. જેમાં ડાયાબિટીસ, બ્લડપ્રેશર, વજન, ઊંચાઈ, BMI ચેકઅપ કરાયું હતું. બનાસ મેડિકલ કોલેજ દ્વારા લિપિડ પ્રોફાઇલનો ટેસ્ટ કરાયો હતો.