ગઢ પોલીસે બાદરપુરાથી ચોરાયેલ ટ્રેક્ટર-ટ્રોલી સાથે આરોપી ઝડપી પાડ્યો

પાલનપુર તાલુકાના બાદરપુરા ખાતે ટ્રેક્ટર-ટ્રોલીની ચોરીનો ભેદ ગઢ પોલીસે ઉકેલ્યો છે. 12 અને 13 જુલાઈની રાત્રે બાદરપુરા (ખો) બસ સ્ટેન્ડ સામે આવેલી એન્જલ સિમેન્ટ પ્રોડક્શન ફેક્ટરીમાંથી અજાણ્યા શખસે ટ્રેક્ટર-ટ્રોલીની ચોરી કરી હતી. આ અંગે ગઢ પોલીસ મથકે ફરિયાદ નોંધાતા પીઆઈ કે.એમ.વસાવાની સૂચના મુજબ અલગ-અલગ પોલીસ ટીમો બનાવી તપાસ શરૂ કરવામાં આવી હતી. બનાસકાંઠા જિલ્લામાં ચોરીના બનાવો વધી રહ્યા છે, ત્યારે પોલીસે આ કેસમાં ઝડપી કામગીરી કરી છે.ગણતરીના દિવસોમાં જ પોલીસે આરોપીને ચોરી કરેલા ટ્રેક્ટર-ટ્રોલી સાથે ઝડપી પાડ્યો છે. પોલીસે તમામ મુદ્દામાલ કબજે લઈને  કાયદેસરની કાર્યવાહી શરૂ કરી છે.