વાવના ચુવા ગામના યુવકની હત્યાના ચારે આરોપીઓ ગણતરીના કલાકોમાં ઝડપાયા

વાવ તાલુકાના ચુવા ગામે 21 ઓગસ્ટના રોજ ધોળા દિવસે જાહેર ચોક પર લોકોની હાજરી માં ચુવા ગામ ના રતનશી ભાઈ ઠાકરસી ભાઈ રબારી વાલાભાઈ ઠાકરસી ભાઈ રબારી નીલાભાઈ મેવાભાઈ રબારી સુરેશ ભાઈ વણાભાઈ રબારી તમામ રહે.ચુવા તા.વાવ વાળા એ સાથે મળી જૂની અદાવત રાખી ચુવા ગામના રમણભાઈ ભીખાજી ચાવડા ઉ.35 ની કરપીણ હત્યા કરી ફરાર થઇ ગયા હતા. આ બાબતની જાણ વાવ પોલીસ ને થતાં પી.આઇ એ.આર ખત્રી.પી.એસ આઇ એચ.કે દરજી.તેમજ વાવ પોલીસ સ્ટાફની મદદ થી એક આરોપી સુરેશ વણાજી રબારી ને ગણતરી ના ચોવીસ કલાક માં રાઉન્ડપ કરી લીધો હતો. ત્યાર બાદ બાકીના અન્ય ત્રણ આરોપીઓને પકડવા માટે વાવ પોલીસની ટીમ થરાદ પોલીસ ની ટિમ તેમજ એલ.સી.બી.ટીમે સાથે મળી ગણતરી 96 કલાકમાં એટલે કે 24 ઓગસ્ટની રાત્રી એ રાજસ્થાન વિસ્તાર માંથી ઝડપી લઈ વાવ પોલીસ મથક ખાતે કસ્ટડી હવાલે કરી બીજા દિવસે રિમાન્ડ માટે નામદાર કોર્ટ માં રજૂ કરી રિમાન્ડ મેળવી આગળ ની વધુ તપાસ હાથ ધરી છે. પોલીસ સ્ટાફ ઘટના સ્થળે પહોચી ડોગ સ્કોડ એફ.એસ એલ ની મદદ મેળવી તપાસ નો ધમધમાટ શરૂ કરી દીધો હતો.જો કે વાવ ના બુકણા ગામ ની હત્યાનો આરોપી તેમજ ચુવા ગામ ના હત્યા ના ચાર આરોપીઓ ને ગણતરી ના કલાકો માં રાઉન્ડ ઉપ  કરી દેવાતા વાવ પી.આઇ એ.આર ખત્રી પી.એસ.આઇ એચ કે દરજી તેમજ વાવ પોલીસ ની કામગીરી સરાહનીય બની ચુકી છે.વાવ પી.આઇ તેમજ પી.એસ.આઇ અને પોલીસ સ્ટાફ ની ઉમદા કામગીરી ને જિલ્લા પોલીસ વડા એ પણ બિરદાવી હતી.