શ્રી સવાઈ મિલ્ક પ્રોડક્ટ્સમાંથી 403 લીટર ‘હેલ્થ પ્રીમિયમ પ્યોર ઘી’નો જથ્થો ઝડપાયો:સેમ્પલ સરકારી લેબોરેટરીમાં મોકલાયો
નાગરિકોના આરોગ્ય સાથે ચેડા કરતા શંકાસ્પદ અને હલકી ગુણવત્તાવાળા ખાદ્યપદાર્થોના ઉત્પાદન- વેચાણ સામે બનાસકાંઠા ખોરાક અને ઔષધ નિયમન તંત્રે લાલ આંખ કરી છે. પાલનપુર તાલુકાના ચંડીસર GIDCમાં આવેલી શ્રી સવાઈ મિલ્ક પ્રોડક્ટ્સ ખાતે તા. 26 ઓગસ્ટે હાથ ધરાયેલી આકસ્મિક તપાસ દરમિયાન ₹2.61 લાખની કિંમતનો 403 લીટર શંકાસ્પદ ઘીનો જથ્થો જપ્ત કરવામાં આવ્યો છે.
ઘીની ગુણવત્તા અંગે શંકા જણાતા અધિકારીઓએ નિયમ મુજબ તેનું ફૂડ સેમ્પલ મેળવી સરકારી લેબોરેટરીમાં પૃથ્થકરણ માટે મોકલ્યું છે. બીજી તરફ, સેમ્પલ લીધા બાદ સ્થળ પર રહેલા બાકીના જથ્થા પર પણ તંત્રએ કાર્યવાહી કરી હતી.ખાદ્યપદાર્થોની ગુણવત્તા અંગે તંત્રની આ કાર્યવાહીથી ચંડીસર GIDC સહિત જિલ્લામાં ખાદ્યપદાર્થોનું ઉત્પાદન, સંગ્રહ અને વેચાણ કરતા એકમોમાં પણ ફફડાટ ફેલાયો છે.
