બનાસકાંઠા જિલ્લામાં કોરોના વાયરસનો પ્રથમ કેસ નોંધાયો; સતર્ક રહેવા સૂચના

પાલનપુર સ્થિત બનાસકાંઠા જિલ્લામાં ગઈકાલે કોરોના વાયરસનો પ્રથમ કેસ નોંધાયો હતો. બનાસ જનરલ હોસ્પિટલમાં એક દર્દીનો RT-PCR ટેસ્ટ પોઝિટિવ આવ્યો છે. આ પરિસ્થિતિને ધ્યાનમાં રાખીને હોસ્પિટલ તંત્રએ તાત્કાલિક પગલાં લીધા છે. હોસ્પિટલમાં 20 બેડની વિશેષ ઇમરજન્સી સુવિધા ઊભી કરવામાં આવી છે. દરેક બેડ પર ઓક્સિજન અને વેન્ટિલેટરની સુવિધા ઉપલબ્ધ કરવામાં આવી છે. આ વ્યવસ્થા ભવિષ્યમાં સંક્રમણ વધવાની સ્થિતિમાં દર્દીઓને તાત્કાલિક સારવાર આપવા માટે કરવામાં આવી છે. જિલ્લા આરોગ્ય વિભાગે તમામ PHC અને CHCને સતર્ક રહેવા સૂચના આપી છે. તમામ આરોગ્ય કેન્દ્રોને કોરોના સંક્રમણ વધવાની સ્થિતિમાં તૈયાર રહેવા જણાવવામાં આવ્યું છે. આરોગ્ય વિભાગ પરિસ્થિતિ પર સતત નજર રાખી રહ્યું છે.