વાવમાં ચૂંટણીનો માહોલ ગરમાયો : પાંચમા દિવસે વધુ ૯ ઉમેદવારી ફોર્મ ભરાયા

ઉમેદવારી ફોર્મ ભરવાના 5 દિવસે વાવ તાલુકાની તા.પંચાયત 8 બેઠકો ઉપરથી અને જિલ્લા પંચાયતની એક બેઠક ઉપર મળી કુલ 9 ઉમેદવારી ફોર્મ ભરાયા હોવાનું સતાવાર સૂત્રો પાસેથી જાણવા મળ્યું હતું. જેમાં વાવ 1 બેઠક ઉપરથી કૉંગ્રેસના તાલુકા પંચાયતના ઉમેદવાર એવા ધેગાજી નથાજી સોલંકીએ પોતાના વિશાળ સમર્થકો સાથે વિજયના નાદ સાથે ઉમેદવારી ફોર્મ રજૂ કર્યું હતું. જ્યારે વાસરડા તા.પ.સીટ પરથી ભાજપના શિવરામભાઈ પરમારે વાસરડા બહિસરા ખડોલ ગામના મતદારોની ભીડ વચ્ચે ફોર્મ ભર્યું હતું. જો કે અંદાજે 4 હજાર મતદારો ધરાવતી વાસરડા સીટ પર ભાજપનું પલડું ભારે જોવા મળી રહ્યું છે. કારણ કે ભારતીય જનતા પાર્ટીએ ઉમેદવાર શિક્ષિત અને હોશિયાર ઉમેદવારની પસંદગી કરી છે.